أول رد من تامر عاشور على سخريته من مصابي السرطان
وجه الفنان تامر عاشور، رد لأصحاب حملة الهجوم التي طالته بعد صورته مع أحد مرضى السرطان بمستشفي أيادي المستقبل لعلاج الأورام؛ إذ تداول منشوره على حسابه الشخصي بموقع «فيس بوك» مع طفلة وهو يداعبها ويعطيها برتقالة، قائلا لها: «لأ خدي إنتي أنا صايم يا فاطرة.. بحبك».
ربما يعجبك
وكتب تامر عاشور منشورا جديدا كتب فيه: «صباح الخير، أنا طول حياتي ومشواري عمري ما اتريقت على حد سليم علشان اتريق على مريض حاش لله، واللي أخد كلامي تريقه على مريض نفوسهم ضعيفة، وهما اللي مرضى بيفرقوا بين المريض والشخص الطبيعي.. لو نزلت صورتي مع أي طفل اللي هو غير مُكلف بالصيام، وقولتله بأي طريقة متشربش مياه قدامي يا فاطر أو خد دي يا فاطر أنا صايم.. حد هيتكلم؟، مستحيل علشان طفل طبيعي لكن المريض لا منهزرش معاه زي الطبيعي علشان هو مريض ونفضل نقوله مريض مريض مريض ونحسسه بمرضه من تعامولاتنا».
وأكد «عاشور» أن «المرض الحقيقي هو التفرقة بين أطفالنا اللي بصحه جيدة ربنا يديهم كل الصحة وأطفالنا اللي ربنا اختارهم للمرض، المرض الحقيقي هو إن فكره (المعايرة)، جاتلك قبل 100 فكرة تانية ممكن تجيلك من جمال البنت وضحكها وبهجة الصور، هو للأسف شوفت كمان حاجه غريبة جدا ناس كتير قوي محسوبين على هامش هامش هامش المجال الفني عمرهم ما شافو مني حاجة وحشه غير إني مباديهمش مواعيد لاقيتلهم تعليقات كأنهم ما صدقوا لاقولي غلطة وانصحهم العمر بيجري حاولو تعملو حاجة لنفسكم أولى، البنت اللي في الصورة فضلت في حضني طول تصوير الإعلان وبحبها جدا جدا، ومتفقين أنا وهي على حاجات كتير قوي قوي هنعملها».
