الإعلامي محمود سعد يكشف تفاصيل جديدة عن الحالة الصحية للفنانة أنغام
المصدر: وكالات
كشف الإعلامي محمود سعد تفاصيل جديدة عن الحالة الصحية للفنانة أنغام وطالب الجمهور بالدعاء لها.
ربما يعجبك
وفي فيديو نشره عبر حساباته بمواقع التواصل الاجتماعي تحدث محمود سعد عن أنغام وقال إنه على تواصل معها ومع أسرتها للاطمئنان على حالتها الصحية.
وقال محمود سعد: "هكلمكم عن صديقتي العزيزة الغالية أنغام كان بينا اتصال وأنا بتابع معاها كل يوم، مرات بكلمها ومرات بكلم عمر ابنها الكبير وبيطمني عليها، بس هي الحقيقة تعبانة وفي ألم جامد وبتمر بتعب جامد، لأن في مشاكل إن شاء الله يمكن بعد 3 أو 4 أيام نقدر نشوف، ادعولها لأنها بتمر بألم عنيف".
وتابع محمود سعد: "الحكاية صعبة لكن إن شاء الله مفيش حاجة خطر لكن في ألم ومش عارفين إيه هيحصل يوم الأربع والخميس اللي جايين، هي دلوقتي في المستشفى وقاعدة لآخر الأسبوع إن شاء الله ومعاها ولادها وأصحابها أنا عايزكم تدعولها ربنا يخفف عنها هذا الألم عشان تعبر هذه الأزمة الصحية العنيفة".
وأضاف محمود سعد: "أنا بحب أتكلم عن أنغام مش عشان أغطي أخبارها وبس أولا عشان في أخبار مش حقيقية، ولكن هي صديقة غالية جدا عندي هي صديقتي بشكل غالي من الأصدقاء الأوفياء اللي أعرفهم من زمان وصداقتنا قوية ومستمرة، وأنغام عوضتني عدم رؤيتي لأم كلثوم بحضر معاها أغانيها والتسجيلات وبشوف الأغنية بتتولد إزاي بتختار الكلام ويحطوا الموسيقى، وهي نجمتكم وبتحبوها هي الحمد لله كويسة لكن محتاجة دعاء عشان الألم اللي بتمر بيه ألم شديد".
