كلب أميرة شنب يتسبب في إصابة جارها بجروح خطيرة ودخوله في غيبوبة
المصدر: وكالات
ربما يعجبك
تعرض أحد جيران مقدمة أحد برامج الطبخ "أميرة شنب" لقطع نافذ في الأوتار والأعصاب بسبب عضة من كلبها.
نشرت هند سعيد صالح تفاصيل حالة جار أميرة شنب عبر حسابها بموقع Facebook: "محمد محب الماوى، حظه انه ساكن تحته المذيعة أميرة شنب اللى بتقدم برنامج أميرة في المطبخ، واللي عندها كلب بيتبول ضخم العضلات اللى من المحظور استيرادهم دوليا دول، وبالرغم أن هو محب للحيوانات فعلا، إلا أن الكلب ده كان دايما يهاجمه في الطالعة والنازلة، وكان بيقول أنه صعبان عليه جدا إنه مش واخد عناية كافية في تحسين السلوك، وإنه بيهاجم كل اللى بيشوفه".
وتابعت: يوم الاحد اللي فات قرر محب إنه يخبط على باب مدام أميرة عشان يطلب منهم يسيطروا شوية على كلبهم بدل ما هو عمال يهاجمهم كده من ورا السور القصير اللي عادي جدا إنه ينط من فوقيه!! فتحت له الشغالة، وقبل ما يفتح بقه بكلمة واحدة خرج الكلب المفترس ده من وراها، وهجم علي محب في مدخل العمارة اللي كان واقف فيه ابنه، وحاول إنه يفدي ابنه، الكلب حرفياً قام بإفتراسه بدون مبالغة، عض في الذراع والفخذ وأماكن متفرقه من الجسم نتج عنها قطع نافذ في الأوتار والأعصاب!!! وفجأه المدخل كله بقى دم!!!
يذكر أن أميرة شنب تقدم برنامج "أميرة في المطبخ" على cbc سفرة، يوميا في الثالثة عصرا.
