شاب يشترى بـ50 ألف جنيه قهوة ليكسب سيارة والنتيجة فنكوش
3 شهور من التفرغ و80 خط تليفون ونحو 50 ألف جنيه سخرها "أحمد زكريا" ومجموعة من أصدقائه لمحاولة الحصول على مكسب مريح من واحدة من شركات القهوة سريعة التحضير، لكنه لم يجن سوى الخسارة.
ربما يعجبك
25 ألف كيس قهوة سريعة التحضير تقريبًا اشتراها أحمد وأصدقائه أملاً فى الفوز بالسيارةز وقال أحمد "اتفقت أنا وأصحابى نشترك فى المسابقة وجمعنا حوالي 25 ألف كيس قهوة، للشركة التى أعلنت عن مسابقة على 16 سيارة علي مدار 3 شهور كل أسبوع، بحيث يفوز شخص واحد بسيارة عند شرائه لكيس قهوة وإرسال الكود المدون داخل الكيس".
بدت الحسبة سهلة بالنسبة للمجموعة، حيث افترضوا أنهم إذا أرسلوا نسبة 70% من الأكواد للمسابقة سيكسبوا بالتأكيد سيارة أو أكثر، لكن المراهنة على هذه النظرية لم تكن سليمة تمامًا فتابع قصته: "بدأت أنا وأصحابى الثلاثة، ننزل كل يوم نشتري كراتين قهوة السريعة وسعر الكرتونة بـ 576 جنيها وجمعنا فوق الـ 80 خط موبايل من خطوطنا الشخصية علي خطوط أهالينا وخطوط أصحابنا، واشتغلنا تقريبا من 3 شهور وتحديدا يوم 27 سبتمبر، كل يوم لمدة 12 ساعة عشان نحقق تارجت 400 كود في اليوم يعني في الأسبوع 2800 كود، ومحدش بيروح الشغل، واللى كان محوش قرشين طاروا على المسابقة وبدون نتيجة حتي الأن ".
وتابع :"خسرنا فلوس كتير ونفسيتنا بقت فى الأرض، وكل مرة نقول هنكسب الأسبوع اللى جاي، ونجيب اللى اتصرف لكن مش بيحصل ولحد دلوقتى صرفنا، فوق نص ثمن العربية اللى إحنا مكسبنهاش يعنى حوالي 50 ألف جنيه، ولحد وقتنا هذا فتحنا حوالي 25 ألف كيس وبعتنا الأكواد وبردو مكسبناش".
المصدر : youm7
