بالفيديو .. ألفت عمر تحكي موقف مضحك مع حسين فهمي

في مقابلة لها مع موقع الجمال، وعن سؤالها عن مشاهدها مع الفنان حسين فهمي، قال: "كان فيه مشهد المفروض أول مايدخل فيه يقول أستاذ فلان موجود وأنا أرد، فأول مرة دخل وأنا سكت وتاني مرة دخل وسكت، وتالت مرة دخل وأنا سكت، قالي هو انتي هتفضلي ساكتة كده، دا هي كلمة واحدة بس اللي هتقوليها، قولتله هو أنا يعني المفروض أقف قدام عينيك الزرقة دي وأعرف أتكلم".

قعد يضحك والناس كلها ضحكت في اللوكيشن، ودي كانت أحسن حاجة حصلت يومها.

ولما سألناها عن موعد عرض المسلسل، قالت: "مش شرط نلحق رمضان، بل بالعكس الأعمال بتنجح أكتر برة رمضان، لأنه كله بيبقي حلو، فالحلو بيقتل الحلو فبيطلع عمل أو اتنيس بس اللي حلوين، والباقي مبيخدش حقه".

وردا علي سؤالها مستنية مين في رمضان، قالت أنها مستنية طبعا أمير كرارة وغادة عبد الرازق، والعبقري يحيي الفخراني، وطبعا جميلة الجميلات يسرا، وياسر جلال ومحمد رمضان، وأكدت أنها مستنية ناس كتير وأنها خايفة تنسى حد.

وقالت أنها دايما بتحاول تعمل لوكّات مختلفة، وأنها مهتمة بالفاشون جدا، وبتختار الحاجة اللي لايقة عليها وبس، وقالت أن أهم حاجة العناية بالبشرة وبالأكل وبالجسم لأن دي أسهل طريقة للناس اللي بتدور علي الجمال.

وختمت كلامها بتهنئة الجمهور بقرب رمضان، وأنها بتتمنى كل الخير فيه للأمة الإسلامية واتمنت السعادة والخير والبركات للناس كلها.

ألف عمر، خريجة كلية الحقوق، لكنها حبها للتمثيل سيطر عليها وسابت مجال المحاماة واتجهت له، وكان أول أدوارها في مسلسل نسر الشرق سنة 1997، وكانت بداية إنطلاقها في مسلسل "قضية رأي عام.

أما عن حياتها الإجتماعية فهي متجوزة من "أحمد لطفي"، وعندها طفل واحد بس وهو سليم.