Top
موقع الجمال

شارك

سكووب

كندة علوش تنفي تبرؤها من جنسيتها السورية

تاريخ النشر:21-04-2018 / 11:09 AM

كندة علوش تنفي تبرؤها من جنسيتها السورية

ردت الممثلة السورية ​كندة علوش​، على اتهامها بالتبرؤ والتخلي عن جنسيتها السورية، عبر حسابها الرسمي على مواقع التوصال الاجتماعي قائلةً: "تعودت من بداية الأحداث ببلدي سوريا أحترم كل شخص حتى المختلفين عنى بالرأى وبعمري ما أدليت بتصريح أو نشرت كلام في تعصب أو طائفية أو تحريض أو إلغاء لأي طرف من الأطراف بس واضح انو قدرنا نستحمل النماذج المريضة ومفرزاتا المؤذية طالما الأزمة قائمة".

وأضافت: "كنت آخذة قرار اني مارد على الأشخاص الي بتألف حكي وتصريحات (تحديداً سياسية ) على لساني، وبتحاول تشوه صورتي وتورطني بمشاكل وتعرضني لهجوم، لأنو من بداية الأحداث في ناس مستمرة على نهجا بترويج الإشاعات وتلفيق الأخبار والتصريحات وتشويه صورتى بكافة الوسائل والطرق والمشكلة انو في ناس بتصدق اي كلام بينقال حتى لو كان غير منطقى وخالي تماماً من المصداقية وبتنشروا بقصد الأذى أو لمجرد الجهل".

وتابعت كندة علوش موضحة والى خلاني ارجع عن قرارى ورد هو وجود أشخاص محترمين مختلفين عني بالرأى بس حريصين انن يعرفوا حقيقة كوني أدليت بتصريح معين أو غيرو،مثل التصريح السخيف الي لفق من فترة على لساني والي بيقول اني بتبرأ من جنسيتى السورية وإنى ما بفتخر فيها والى آخره من هالهزى مع انى ما بفوت فرصة لعبر عن مدى فخري بكوني سورية وعن حبي وعشقي لبلدي وأهل بلدي، وغيرا من التصريحات الي انتشرت مؤخراً حول الأحداث الأخيرة بسوريا".

وختمت كندة علوش حديثها قائلة: "أنا عندي صفحات معروفة هي الوحيدة فقط الي انا بصرح وبتواصل مع الناس من خلالا وهي أكاونتي هاد عالانستغرام بالإضافة لكوني ما بملك أي أكونت على الفيسبوك ماعدا ال fan page وأكونت تويتر الى موجودين فوق بالبايو،وبإمكانكم تراجعوا هالصفحات لتتأكدوا من تصريحاتي".