أول تعليق من عمرو أديب على انفصاله عن لميس الحديدي
المصدر: وكالات
رد الإعلامي عمرو أديب على التعليقات التي صاحبت الإعلان عن انفصاله عن زوجته الإعلامية لميس الحديدي، والشائعات التي تلاحقه الفترة الماضية.
ربما يعجبك
ووجه عمرو أديب رسالة لكل من يكتب أو يتناول أمور عن حياته الشخصية خلال لقائه مع إنجي علي عبر "نجوم FM": "إنت كل اللي ليك عندي شغلي برا دا إنت ملكش دعوة بيا خالص زي أي بني آدم أنا أي حاجة أقولها في البرنامج قابلة للنقد وقابلة للشتيمة والتجريح لكن حياتي ملكش دعوة بيها".
وتابع عمرو أديب: "أنا تحت أمرك في شغلي برا شغلي إنت عايز مني إيه ويفيدك في إيه ومهم بالنسبالك في إيه أنا بس بقول كده يا جماعة اللي عايز مننا حاجة يركز على شغلنا شكلي وحش بشجع الزمالك معنديش شعر أي حاجة اللي إنت عايزة".
وعن سبب كثرة الحديث عنه الفترة الماضية والجدل الذي أثير قال: " في حاجة ليها علاقة بالترند هيعمل إيه هتقري الكلام بتاعه إزاي هو غير مفكر وغير موهوب لازم يكون عنده شيء تاني عشان تقري كلامه ويبتدي العداد يلف إحنا بقى عندنا لعنة العداد كام لايك وكام شير".
وكان قد انفصل عمرو أديب عن لميس الحديدي في ديسمبر الماضي بعد زواج استمر 27 عاما.
