خالد الصاوي يسخر من شائعة وفاته بمقطع فيديو
المصدر: وكالات
بث النجم خالد الصاوي مقطع فيديو عبر حسابه الرسمي على "إنستغرام" للرد على شائعة وفاته بطريقة ساخرة، قائلاً: "السلام عليكم أزيكم يا أحبائي، أنا سمعت إن أنا مت امبارح فجيت أطمن، خير في حاجة كده ولا إيه، على العموم أنا موتوني 4 مرات في 3 أو 4 سنين، وأحياناً قالوا أن أنا أولادي ماتوا، اللهم احفظنا طبعاً بس أنا معنديش أولاد"، وأضاف: "أحب أوضح بعض النقاط الناس دي مش هنقول نواياها إيه لما بتعمل إشاعة، أكيد عندك غرض ولا أنت بلا شخصية واللي بتسمعه بتحطه على النت على طول، طب إنت مش عارف أن دا ممكن يبقى تأثيره بايخ على الأهالي، ما علينا أول حاجة الشخص اللي يعمل كده دا شخص كاذب نعمل إيه بقى عشان هو أساساً عايز اللايكات، نطلع كلنا من البروفايل بتاعه وننبه الآخرين"، وتابع الصاوي: "وأؤكد أن أنا في الحاجات الضرورية جداً والحساسة لازم أطلع وأؤكد أو أنفي الحاجة، وثقوا يا جماعة أن أنا لو مت هكون أول واحد يطلع ويقول".
ربما يعجبك
