وليد فواز: هذا أغرب تعليق جالي بسبب "صوت وصورة"
المصدر: وكالات
حل الفنان وليد فواز ضيف على برنامج "سبوت اون" بموقع اليوتيوب بعد نجاحه في مسلسل "صوت وصورة".
ربما يعجبك
وقالت وليد فواز: "حلمي أقعد في مكان لوحدي ويكون في أكل وسمك وبحب أرد عالناس على السوشيال ميديا".
وأضاف: "أغرب تعليق اتقالي من الجمهور (لو الاستاذ محمود مرسي الله يرحمه كان موجود كان هيعمل اللي انت بتعمله ده؟) أنا رديت عليه قولتله (محمود مرسي مكنش معاه موبايل)".
وتابع: "بختار الشخص اللي بيستحق أديله جزء من اهتمامي ووقتي ولم اتعرض لوقائع تحرش ويجب على المجتمع أن يلغي كلمة معلش".
وواصل وليد فواز: "عبد الغني في مسلسل صوت وصورة معندوش ثقة في نفسه ومش فارق معاه مراته وخايف من كلام الناس انا كوليد فواز اعتبره جاني بسبب ما فعله مع مراته".
واختتم: "زمان كنت صدامي وبتخانق دلوقتي مبقاش عندي خلق ولا طاقة زلو حبيت بني ادم بغير عليه لأن انا ابن المجتمع الشرقي".
"صوت وصورة" بطولة حنان مطاوع ووليد فواز وصدقي صخر ونجلاء بدر وعمرو وهبة وناردين فرج وفدوي عابد وتأليف محمد سليمان عبدالمالك وإخراج محمود عبدالتواب.
تدور الأحداث حول أزمة مواقع التواصل الاجتماعي ومدى التضليل للواقع من خلال عرض قصة إنسانية، ويجسد الفنان وليد فواز دور زوج الفنانة حنان مطاوع خلال الأحداث، بينما يقدم صدقي صخر دور محامِ أمام الفنانة حنان مطاوع.
