طليقة حسن شاكوش ترفض الاعتذار لـ حورية فرغلي
المصدر: وكالات
رفضت ريم طارق طليقة مطرب المهرجانات حسن شاكوش، الاعتذار من الفنانة حورية فرغلي بعد الزج باسمها في أزمة الطلاق، وقالت ريم إنها لم توجه أية إساءة للفنانة المصرية، وحورية نفسها قالت إنني لم أذكر اسمها ولم أزج بها في قصة الخيانة، فلماذا أعتذر؟!
ربما يعجبك
وقالت ريم طارق، خلال لقائها مع الإعلامية مروة صبري ببرنامج "قعدة ستات"، المذاع على شاشة "القاهرة اليوم": حورية فرغلي قالت إني ماذكرتش اسمها وإني قولت حرف بس، وهي مش زعلانة وأنا ماجبتش سيرتها، ومش هعتذر لأني مقولتش مين الشخصية.
وتابعت ريم قائلة: "أنا ما أحاسبش ست، الشخص ده لو مكتفي بالبنت اللي اتجوزها مش هيبص لحد، الناس بتقولي أبسط حاجة روحي لجوزك مش هروح للغريبة أقولها ليه بتعملي كده، ولا هقعد أحارب في الناس، أنا بشوف أن الشخص لو مش محترم الشخصية اللي معاه خلاص يسيبه لحد تاني يقدره ويحترمه".
وسبق أن أكدت ريم طارق، طليقة المطرب الشعبي حسن شاكوش، أن أحد أسباب طلاقها من “شاكوش” هو علاقته بـ"فنانة مشهورة" تعاني من أزمة صحية، وثالث حرف من اسمها راء، وتكهن البعض وقتها بأن المقصودة هي حورية فرغلي.
وقالت ريم طارق طليقة حسن شاكوش، خلال حوار مع برنامج 90 دقيقة: "في نهار رمضان كان مع ممثلة مشهورة والمفروض عندها مشكلة صحية في شاليه في السخنة هو مسجل اسمها بالعربي، وكانت كاتبة له: إنت وصلت يا حبيبي؟ وبينهم علاقة وحبت في وقت إنها تسمعني صوتها كانوا مع بعض وقعدت تضحك بس حلال عليها".
وأضافت: "30 يوم في رمضان أنا بشوف حاجات زي اللي بحكيها دي على حاجات مختلفة، وأن ثالث حرف من اسمها هو الراء".
ورد حسن شاكوش، على موضوع علاقته مع حورية فرغلي، عبر حسابه على الفيس بوك، قائلاً: "جمهوري الغالي كل معاني الشكر ليكم ولكل شخص متفهم الموقف وشاركني البوست أنا شفت معظم التعليقات ومحترم كل شخص وكل كلمة حتى لو هي عكس الحقيقة.. وسكوتي وعدم ردي شيء مريحني أكثر من الكلام".
وتابع: "ولكن في شيء يخص فنانة جميلة كلنا بنحبها وبنحترمها وحقيقي أنا لا أعلم صحة الكلام اللي بيتقال ولكن أنا من خلال صفحاتي الرسمية أحب أقول إن الفنانة حورية فرغلي لا يمسني بيها أي شيء غير أنها زميلة وصديقة عمل ومش فاهم سبب وجود سيرتها في الموضوع إيه من خلال البرامج".
واستكمل: "أنا دلوقتي كلامي للإعلام أرجوكم بلاش تشاركوا الناس كلام غلط كفاية كلام في تفاصيل وحياة شخصية اللي ظاهر للناس يخص الناس.. أنا دلوقتي بمتنع عن أي كلام في حاجة تخص حياتي الشخصية.. أرجو احترام رغبتي مع احترامي لكل الصحافة المصرية، ولكن الأخبار غير الحقيقية دي بتضعف موقفكم في يوم من الأيام لما الحقيقة تبان".
وأضاف: "كل الاحترام والتقدير ليكي يا فنانة يا كبيرة وبعتذر لك مرة أخرى عن أي شيء اتحطيتي فيه".
