مي كساب: قدّمت أعمالاً ندمت عليها والظروف لم تساعدني في الغناء.. فيديو
المصدر: وكالات
خلال حلولها ضيفةً على برنامج "بودكاست بتاع أفلام"، المذاع على "يوتيوب"، كشفت الفنانة مي كساب عن ندمها على تقديم بعض الأعمال التي لم تكن راضية عنها، وسبب قرارها الابتعاد عن الغناء في المسرح، قائلةً: "الظروف مخدمتنيش في الغناء.. واللي عارفين يكملوا من جيلي لازم الجمهور يتأكد أن دي اجتهادات فردية منهم، وكل شركات الموسيقى مبقوش يشتغلوا، حتى المنتج نصر محروس مبقاش يشتغل زي الأول".
ربما يعجبك
وأضافت: "قررت وقت ثورة 25 يناير أني مش هشتغل تاني لايف، وجابوني في مسلسل "تامر وشوقية" من أغنية "شيل ده من ده"، ومكنتش عايزة أكون ممثلة.. وأحمد الفيشاوي ومكي هما اللي اختاروني في "تامر وشوقية"، ودخلت مجال التمثيل عشان أرضي والدي.. وهو كان شايفني خليفة شادية".
وعن الأعمال التي قدّمتها وندمت عليها ولم تكن راضية عنها، قالت مي كساب: "فيلم "شمال يا دنيا" عملته عشان محتاجة فلوس.. ولما قالولي مش هينزل في السينما كنت في قمة سعادتي، وفيلم "8%" بيحكي عن المهرجانات ودخلت العمل ده عشان أعرف عالم المهرجانات، وخرجت من الفيلم ده الناس كلها بتجري ورايا في السينمات وكانت شخصية "أزعرينا" قالبة الدنيا، ومش ندمانة على دوري في الفيلم مهما كانت عيوبه".
وعن أقرب الشخصيات التي جسّدتها في مسيرتها الفنية إليها، قالت مي كساب: "شخصية "شفق هانم" في مسلسل "سرايا عابدين" من أكتر الأدوار اللي بحبها.. والمخرج عمرو عرفة من المخرجين الغاليين على قلبي وكان مؤمن بيا".
وعن تعاونها مع عادل إمام ويسرا في فيلم "بوبوس"، أوضحت مي كساب: "عادل إمام كان حاببني وكنت 24 ساعة معاه وهو أبو الكوميديا، واتعلمت منه أقول الإفيه أمتى وإزاي.. ويسرا ست عظيمة قدرت تواكب كل جيل، اتعلمت منها إنسانياً وبتجبر بخاطر كل الناس اللي حواليها، وهي مثال للنجم الحقيقي".
