رضوى الشربيني ساخرة من العشاق: عيد استقلال سعيد
وجهت الإعلامية رضوى الشربيني لجمهورها السناجل في عيد الحب، مقدمة لهم التهنئة بمناسبة يوم الحب لغير المرتبطين فقط، مؤكدة أن اليوم بمثابة احتفال بيوم الاستقلال.
ربما يعجبك
رضوى غردت عبر حسابها بموقع تويتر قائلة: الى كل السناجل حول العالم...عيد استقلال سعيد.
وتضامن معها عدد كبير من "ضحايا العلاقات العاطفية" وخاصة الفتيات اللواتي يتابعنها ويعجبن بتصريحاتها الرافضة للعادات الشرقية في العلاقات بين الرجل والمرأة، وتم نشر عدة كوميكس ساخرة من احتفال البعض اليوم بيوم الحب.
يذكر أن رضوى نفت مؤخرا صحة الشائعات المتداولة حول زواجها سرا من زوج زميلتها الإعلامية منى الشاذلي، وأكدت أنها لا زالت مصرة على موقفها وترفض أن تكون "زوجة ثانية" ولن تتزوج سرا، وبمجرد زواجها ستعلن الخبر بنفسها لجميع متابعيها.
وأضافت رضوى الشربيني خلال بث مباشر عبر حسابها الشخصي بموقع الفيس بوك: الحقيقة أن أنا بقالي خمس سنين في برنامج "هي وبس"، وبيتقال عليه كلام كتير أوي وبيطلع عليه إشاعات مرة ناس جوزتني 13 مرة، وأرقام غريبة ومرة من فلان.
وتابعت: الحقيقة أن بقالي خمس سنين ونص بسمع كلام مش محترم وغلط، وبيطلع عليه إشاعة كل اسبوع أو شهر، وكل الي اتقال عليه خلال خمس سنين كنت مش بعلق ولا بتكلم مهما حصل ومهما اتقال لكن خلاص.
وواصلت قائلة: كنت مش بتكلم لأن طول الوقت بقول أن ربنا موجود وهيبن الحقيقة واللي عايز يحبني أهلا وسهلا واللي مش عايز هو حر، ولكن أنا اتفأجات بإشاعة غريبة جدا وكلام مش عارفة اتقال لية، والإشاعة دي مش تخصني أنا لوحدي وعشان كده طلعت أتكلم.
وأضافت: عايز أقول لكل الناس اللي بتحبني أو مش بتحبني أنا مش مرتبطة ولما هرتبط كل الناس هتعرف عشان أنا مش الست اللي بتعمل حاجة في الخفاء، والجواز مش حرام ومش عيب بس أنا لا أقبل اتجوز راجل متجوز ولا أحب اكون ضرة وفي ستات تقبل بس أنا مش عايزة.
