طليقة معز مسعود تعلّق على ارتباطه بحلا شيحة!
ربما يعجبك
وكتبت بسنت عبر صفحتها الرسمية على "فيسبوك": "كلنا كبشر طبيعيين لما بنمر بتجربة صعبة، بيتاخد كتير من روحنا وعمرنا لغاية لما بنعرف نتجاوزها، ولما بنفتكرها، غصب عننا بيصحى فينا جزء من الألم".
وأضافت: "من الأذى الشديد إن اللي حواليك يتعاملوا معاك كإنك ”شيء” مش إنسان، يستخدموا صورتك ويخوضوا في حياتك الشخصية علشان أنت شخصية مشهورة، وكإن المشهور مش إنسان من روح ودم وإحساس".
وتابعت: "افتح السوشال ميديا ألاقي حياتى مشاع، صورتي ضمن مجموعة صور فيها غزل وضحك بسبب قدر ربنا "سبحانه وتعالى" كتبه عليا إني أمر بيه، وخلاص القدر عدى وانتهى من حياتي، أنا مش حلوى مغطاة وغيرى مش حلوى مكشوفة، وماحدش فينا مُجرد صورة برقم بيتعد تبع حد، أنا أختك وهي قد تكون بنتك، الكلام ده مؤذي لينا ولأهلنا".
وقالت: "بلاش حُب الشير واللايك يطغى على إنسانيتنا، ودعوا الخلق للخالق، دا إماطة الأذى عن الطريق صدقة، فما بالكم (بإماطة الأذى عن مشاعر الناس)".
وكانت بسنت ومسعود قد أعلنا انفصالهما في مارس عام 2018 بعد ستة أشهر فقط من الزواج، وبعدها أعلن زواجه من الممثلة شيري عادل.
