كيف طالب الجمهور شيرين عبد الوهاب بالرجوع لمنصات التواصل الإجتماعي؟
طالب جمهور ومحبو المطربة شيرين عبد الوهاب مطربتهم المحبوبة بإعادة حساباتها على مواقع التواصل مرة أخرى من خلال هاشتاج "رجعي حساباتك يا شيرين"، والذي أطلقوه على "تويتر"، مطالبين الفنانة بالعودة للتفاعل مع الجمهور والسوشيال ميديا، كما كانت تفعل من قبل.
ربما يعجبك
وجاءت تعليقات الجمهور: "إحنا مش طالبين منك تنشري حياتك ولا نقتحم خصوصيتك ولا حتى تتواصلي معانا لأن ده شيء مفيش أمل منه، إحنا طالبين تجيبي حد زكي وشاطر يمسك شغلك ويكون هو المسئول عن السوشيال ميديا، ويريحك ويريحنا، حد يكون قادر يشيل مسؤولية اسمك الكبير وعارف حجم شغلك"، #رجعي_حساباتك_شيرين.
وقال آخر: "يا شيرين السوشيال ميديا هي أكبر دعاية للفنان في زمننا الحالي".
وعلق ثالث قائلًا: "#رجعي_حساباتك_شيرين أنا مش هتكلم كتير عن يعني إيه شيرين وقيمتك عندنا، بس إحنا حابين نقولك إن في ملايين متأثرين بيكي وبيحبوكي كفرد من عيلتهم، غير كده مينفعش يكون أهم صوت في الوطن العربي مش متواجد كدة، إحنا بنحبك وأنا بحبك قد العالم".
وكانت شيرين عبدالوهاب قد أعلنت اعتزال السوشيال ميديا منذ فترة طويلة، واكتفت بأن يكون ظهورها على تهنئة أو تقديم واجب عزاء فقط، ولك بعد سلسلة من الهجوم عليها بسبب تصريحات لها في بعض الحفلات.
