01:08 م - الثلاثاء 24 أبريل 2018
أفلام عالمية اتكلفت ملايين، بس وسط المشاهد اللي مثل فيها ممثلين عالميين ظهرت أخطاء بسيطة بس كارثية، ودا اللي هنعرضه لكم:
فيلم Top Gun
مشهد الأكروبات الجوي في فيلم "top gun" بتاع مافريك وجوس، اللي لو كان حصل في الحقيقة كان زمانهم خابطين في بعض.
فيلم North by Northwest
كان في طفل في الخلفية، كان حاطط ايده في ودانه استعدادا لصوت ضرب النار العالي قبل ما يبان أن هيحصل ضرب نار أصلا.
فيلم Pirates of the Caribbean #3
خلال نهاية العالم اللي كانت متطلبة سفر لسنغافورة، بالرغم من أن الأرض دي المفروض اللي اكتشفها المستكشفين الانجليز، واللي كمان المفروض أنهم اكتشفوها في الحقبة الزمنية اللي بعد الوقت اللي الفيلم كان بيتكلم عنه.
فيلم Schindler’s List
في مشهد في الفيلم ظهر فيه ختّامة بلاستيك، على الرغم أن في الوقت دا متعرفتش أصلا.
فيلم Braveheart
اللبس اللي استخدم في الفيلم دا وخاصة لبس ميل جبسون المفروض أنه أصلا مش موجود في الفترة اللي الفيلم كان بيحكي عنها وأنه ظهر بعدها بمئات السنين.
فيلم Cast Away
في المشهد اللي توم هانكس كان بيفتح فيه علبة fedex، اللي علي الرغم من أنها عبرت مياه جنوب المحيط الهادئ، الصندوق كان سليم تماما ولا كأن لمسته مياه أصلا.
فيلم Raiders of the Lost Ark
ظهر في خلفية مشهد من المشاهد، شخص لابس جينز وتي شيرت، ودا كان غلطة لأن المفروض الفيلم بيتكلم عن الوقت في سنة 1930 تقريبا، والوقت دا مكنش فيه جينز أصلا.
