بالفيديو .. الفنانة ألفت عمر تحكي ذكرياتها مع عيد الأم
خاص الجمال - دينا صقر
في لقاء لها مع مجلة الجمال، قالت الفنانة المصرية ألفت عمر أن عيد الأم بالنسبالها السنة دي مهم ومميز جدا، دا بخلاف انه أصلا يوم مميز وخاص بالنسبة للستات عموما، وقالت أنها بتقابل فيه أمها وبتبقي مبسوطة جدا لأنها مش كل يوم معاها بسبب أنها بتبقي في الشغل أو مشغولة مع ابنها سليم.
ربما يعجبك
وشكرت ألفت والدتها علي مجهودها العظيم اللي عملته معاها، ومع كل حد من إخواتها، وإنها السبب في كل اللي وصلتله.
أما في حديثها عن الهدايا، قالت ألفت إنها بتحاول أن الهدايا تبقى مختلفة كل سنة، وأنها لو مسافرة برة مصر بتجبلها هدايا من اليلد اللي هي فيها، وقالت أن والدتها بتحب الهدايا التقليدية اللي بتعبر عن البلد، زي مثلا:عباية مغربية، برفان، أو جاكت "كاب" شتوي.
وعن إحساسها بعيد الأم السنة دي قالت أنه بالنسبالها مختلف بسبب أنها بقيت أم، ودا طبعا بسبب ابنها سليم، لأنه حسسها بمعاني عظيمة ومهمة جدا، وأنها قدّرت كل حاجة والدتها كانت بتعملها لها.
ألف عمر، خريجة كلية الحقوق، لكنها حبها للتمثيل سيطر عليها وسابت مجال المحاماة واتجهت له، وكان أول أدوارها في مسلسل نسر الشرق سنة 1997، وكانت بداية إنطلاقها في مسلسل "قضية رأي عام.
أما عن حياتها الإجتماعية فهي متجوزة من "أحمد لطفي"، وعندها طفل واحد بس وهو سليم.
