ليدي جاجا متدّمرة .. والسبب!

في خطوة حزينة، لغت الليدي جاجا جولتها الغنائية في أوروبا وأمريكا الجنوبية بسبب مرضها الشديد واللي متحددش لحد دلوقتي ولا حتي هي صرحت بأي معلومات عنه.

والشركة المسئولة عن الترويج عن جولتها الغنائية قالت ان جاجا تعبانة جدا، وبتعاني من اّلام شديدة مقصرة علي قدرتها علي انها تحيي أي حفلات غنائية، ودا اتقال في وكالة "Associated Press".

وفي بيان رسمي لها قالت جاجا انها متدمرة، وانها حزينة بسبب دا، وان فريقها الطبي بيأيد قرارها في الغاء جولتها، وأكدت ان الغاء الجولة الغنائية خارج عن ايديها.

وكانت جاجا هتبدأ احياء حفلاتها بداية من النهاردة، الاحد 3 فبراير 2018، في استاد "O 2" في استاد لندن في بريطانيا، وكان المفروض انها تكمل جولتها الغنائية بعد كده في بريطانيا، وسويسرا، وألمانيا، والسويد، والدنمارك، وفرنسا، والبرازيل.

وكانت قبل كده دخلت المستشفي بسبب اّلام شديدة، بس مفيش أي تصريح لها بخصوص تعبها دا، ولكن كل اللي قالته انها بخير وان محبيها مش محتاجين يقلاقوا عليها.