بالفيديو .. نيكول كيدمان سعيدة بأكلها للدود والصراصير

من الواضح ان الممثلة العالمية نيكول كيدمان ناوية تفاجأ معجبيها وجمهورها كل فترة بحاجة جديدة، بس المرة دي حاجة جديدة مقرفة!.

مجلة "Vanity Fair" العالمية قررت تعمل برنامج اسمه "Secret Talent Theatre" أو مسرح المواهب السرية، بيستضيفوا فيه نجوم عالميين عشان يكشفوا لجمهورهم عن مواهبهم السرية.

وكانت كيدمان واحدة من ضيوف البرنامج، وعملت حركة غير متوقعة وهي أنها قالت انها بتحب جدا أكل الحشرات، وقالت انها أكلت قبل كده دود حيّ، وصراصير، وجراد مقلي.

كيدمان كانت بتتكلم علي الموضوع بفخر وضحك كمان، وقالت انها مش حاسة انها بتعمل حاجة غريبة، عشان في أصلا 2 مليار واحد حوالين العالم بياكلوا الحاجات دي وهي واحدة منهم.

وعن اخر أعمالها، كيدمان هتشارك في الموسم التاي للمسلسل العالمي "Big Little Lies"، وهيشاركها البطولة ميريل ستريب، وريز ويذرسبون.