شقيقة أنغام غاضبة .. وتهدد باللجوء الى القضاء
بعد الاخبار التي تحدثت عن مشاركتها للفنان مدحت صالح في حفل غنائي بالإسكندرية، أكدت شقيقة الفنانة المصرية أنغام، السيدة غنوة، أنها لم تشارك في الحفل وإنما من شاركت بالحفل تحمل نفس اسمها.
وكتبت غنوة عبر حسابها الخاص على أحد مواقع التواصل الإجتماعي التالي: "بعتذر إن أنا هطول عليكم ويا ريت كله يقرأ للأخر و يعمل شير، أولا أنا متعودتش أرد ع حاجات كتير بتحصل بس الموضوع زاد عن حده ومش هسمح لحد يستغل اسم والدي وسمعته الفنية طول مشواره ويتاجر باسمه وباسمي أو بمشاكل شخصية وعائليه أنا حابه اشكر كل الناس اللي عرفت إن مش أنا اللي كنت في الحفلة ومقدره موقف الناس اللي متعرفنيش".
"يا جماعة أنا غنوه محمد علي سليمان وصوري مش مجهولة صوري قدامكم فبعد كده من اللحظة دي أي صحفي أو إعلامي أو متعهد حفلات هيستغل اسمي واسم أبويا ويستغل مشاكل عائليه ملوش إن حد يدخل فيها هرفع عليه قضيه بلا تردد".
"محدش يفكر يحطني في مقارنه مع أنغام لإن أنغام مطربة ليها اسمها ووزنها ومكانتها ومحدش يتقارن بيها والدليل إن أنا بنزل وبغني أغانيها بعيدا عن أي خلاف أسري فيا ريت محدش يحطني في أي جملة مفيدة مع أي حوار بدون علمي وللمرة التانية أي حد هيستغلني أو يستغل مشاكل خاصة هقاضيه".
