رغم خلافهما .. أحمد زاهر يُساندُ غادة عبد الرازق في محنتها!
ساند الفنان المصري أحمد زاهر زميلته في الوسط الفني الفنانة غادة عبد الرازق وذلك بعد ان تعرّضت الاخيرة لهجوم كبير من الجمهور العربي بعد الفيديو الذي انتشر لها على مواقع التواصل الإجتماعي.
وفي تعليقٍ له عبر أحد حساباته الخاصّة على مواقع التواصل الإجتماعي، كتب زاهر تدوينة له جاء فيها: "تاجر الفضايح أسوأ من تجار الموت علي الأقل تاجر الموت بيقتل مره واحده وخلصت اما تاجر الفضايح بيقتل اللي قدامه الف مره كل يوم كل دقيقه كل لحظه حرام اللي بيتاجر بفضائح الناس عقابه عند ربنا كبير اوي الفنانه غاده عبد الرازق غلطت بس من غير قصد واعتذرت واعترفت بغلطتها خلاص بقي كفايه حرام عليكم ايه هاتدبحوها يعني، فيه ايه ماخلاص بقي".
وتابع: "لو كل واحد فيكم يعرف انه لما يشير فيديو زي ده أو يتريق عليه أو يشمت حسابه عند ربنا عسير من منا بلا اخطاء؟ ربنا يمهل و لا يهمل و اللي بيغلط دلوقتي هايجيله اليوم اللي هايتغلط فيه و بعدين الرجاله هما اللي يستروا مش يفضحوا هما دول الرجاله المصريين الجدعان".
وأنهى قائلاً: "على فكرة انا وغاده مش اصحاب ولا بنكلم بعض من سنين ومش هانرجع نشتغل مع بعض تاني أبدا عشان اللي ممكن يزايدوا أو يزيطوا بس اللي بيحصل ده مش اخلاقنا وعيب و حرام المسأله عندي مسأله مبدأ اتقوا الله".
