كيف إستذكر محمد محمود عبد العزيز والده؟
كتب المُنتج والمُمثل محمد محمود عبد العزيز، رسالةً حزينةً لوالده الراحل، بمُناسبة أوّل عيد ميلاد لـِ"الساحر" بعد وفاته والذي يوافق يوم أمس الأحد 4 يونيو، مؤكداً أنه أرسل له العديد من الهدايا ويتمنّى أن تكون وصلته في الشهر الكريم.
ونشر عبد العزيز، صورةً مُجمّعة لمشاهد من حياة والده الفنان محمود عبد العزيز عبر حسابه الخاص على أحدمواقع التواصل الإجتماعي، وعلّق عليها برسالة مطوّلة للراحل جاء فيها: "يوم ٤-٦-١٩٤٦ هو يوم عيد ميلاد حضرتك، و زي كلّ سنة لازم أكون أول واحد يقول لحضرتك كلّ سنة وحضرتك طيب وبخير يا حاج، كان نفسي أكون جنبك وأبوس راسك زي ما دايما بعمل، ياريته كان بإيدي."
وتابع: "أنا متأكّد أن حضرتك إن شاء الله فى أحسن حال، يا رب أكون عند حسن ظنّ حضرتك ويا رب تكون راضي عني ويا رب تكون الهدايا بتاعتي بتوصل لحضرتك، وربنا يقدّرني إنى أكون سبب يخلّي حضرتك فرحان ومبسوط فى مكانك الطاهر النضيف".
وأضاف: "مش قادر أقول لحضرتك وحشتني علشان والله العظيم اللي أنا حاسس بيه أكبر من كده بكتير لدرجة إنى مش لاقيله وصف، حتى كلمة بحبك بقا الإحساس اللي جوايا لحضرتك أكبر منها بكتير أوى".
وقال: "اللي مصبرني إني متأكّد إن حضرتك فى مكان أحسن بكتير من اللي إحنا فيه، كل سنة وحضرتك طيب وإن شاء الله نتقابل قريب وأتمنى يوم ماجيلك يكون مكاني جنب حضرتك. (لا اله الا الله سيدنا محمد رسول الله)."
ووجّه أيضًا رسالةً لمُتابعيه جاء فيها: "أتمنّى أن تشاركوني فى إرسال هديّتي لوالدي العزيز الغالي بالدعاء له والترحم عليه، لكم مني جزيل الشكر، أسألكم الفاتحة والدعاء لأبويا ولأمواتنا جميعاً".
