شاهد عيان : رواد صالة "جيم" ممدوح عبدالعليم لم يهتموا بوفاته وتابعوا مشاهدة مباراة الزمالك

قال أحد شهود العيان انه كان في صالة الجيم التي توفى بها مساء أمس الفنان ممدوح عبد العليم معبراً عن استيائه الشديد من تجاهل الكثير من المتواجدين لهذا الحادث الأليم.

 

وكتب تفاصيل ما حدث قائلاً: " كنت في جيم نادي الجزيرة والفنان كان موجود كالعادة، فجأة الناس بتجري عليه وانا بتفرج علي الماتش مهتمتش اوي قلت أكيد داخ ولا حاجة، شويه لقيت المدرب جاي يقولي الراجل مات، بقوله اغم عليه يعني؟ قالي لا مات مات، وببص علي الجيم حوليا الناس بتتمرن عادي جدا، دقيقه وقاللي مين جاب الجون التاني للزمالك، ده بقي واحد عادي بيتمرن ومات، ولا عيان ولا في مستشفي ولا أي حاجة، في الجيم ومات، والحياة ماشية عادي والناس حوليه بتتمرن وبتتفرج علي الماتش، رخيصه أوي الدنيا دي".