"هى الناس" أولى أغنيات تامر عاشور فى صيف 2022
الحلوة دى تحلم وتقولى طلباتها أيه راضى بكل اللى تقول عليه والدنيا تجيلها في ثانيتين .. الحلوة دى أول ما تقرب من بعيد بفرح وبتقلب يومى عيد والفرحة معايا بفرحتين.. بالدلع وبالشقاوة الجمال بيزيد حلاوة .. هي دى اللى الضحكة منها قلبى تاه قدام عيونها وفى ثوانى راحلها.
ربما يعجبك
ناسى كل حاجة مرت بيا حاسس ان روحى ردت فيا لما تبقى جنب منى.. كل يوم هفرح وأغنى دى السعادة كلها..عليها جمال ومكملاه بأجمل روح في الحياة واسمى تقوله مغنياه لو يوم تنادينى.. معاها الوقت بفوت قوام ولا بيشغلنى الساعة كام وبتعب لما تقول سلام وتغيب عن عينى.. دى هيا الناس ولا هرضى بغيرها يا ناس وفى عمرى وجودها أساس وهكمل حياتى معاها لأخر يوم.
كانت تلك كلمات أحدث أعمال تامر عاشور الغنائية والتي تحمل عنوان "هى الناس" كلمات أحمد المالكى، وألحان محمد خلف، وتوزيع أنور عمر وميكس & ماستر صقر، على موقع يوتيوب، والتى يفتتح بها موسم الصيف الغنائى، حيث يستعد عاشور لإطلاق أكثر من أغنية سينجل جديدة خلال الموسم حسب الخطة التي وضعها خلال الفترة الماضية.
